मार्गशीर्ष पौर्णिमेच्या दिवशी सायंकाळी मृग नक्षत्रात दत्ताचा जन्म झाला, म्हणून त्या दिवशी सर्व दत्तक्षेत्रात दत्त जयंती साजरी केली जाते. दत्त जयंतीच्या दिवशी दत्त तत्व पृथ्वीवर सामान्यपेक्षा १००० पटीने जास्त काम करते.

दत्त जयंतीनिमित्त अनेक भक्त गुरुचरित्राचे पठण करतात. त्यातून दत्त जयंतीचे महत्त्व अधोरेखित होते. या उत्सवापूर्वी सात दिवस गुरुचरित्राचे पठण करण्याची प्रथा आहे. याला गुरुचरित्र सप्ताह म्हणतात. महाराष्ट्रात औदुंबर, नरसोबाची वाडी, गाणगापूर आदी ठिकाणी या सणाला विशेष महत्त्व आहे. तमिळनाडूतही दत्त जयंती साजरी केली जाते.