हिंदू पंचांगानुसार वर्षभरात चार नवरात्र साजरी केली जातात. चैत्र महिन्यात पहिले नवरात्र साजरे केले जाते. हिंदू धर्मात नवरात्री दरम्यान उपासना आणि व्रत करणे सर्वोत्तम असल्याचे म्हटले जाते. असे मानले जाते की, सामान्य दिवसांमध्ये कोणत्याही साधनेत सिद्धी प्राप्त करण्यासाठी किमान ४० दिवस आवश्यक असतात. तसेच, नवरात्रीतील नऊ दिवसांमध्ये साधनेत यश मिळविणे पुरेसे आहे. नवरात्र पूजनाने घरातील नकारात्मक ऊर्जा नाहीशी होते आणि घरात सकारात्मक ऊर्जेचा संचार होतो, अशी मान्यता आहे. चैत्र नवरात्र साजरे करण्याचे उद्देश वेगवेगळे मानण्यात आले आहेत. चैत्र शुक्ल प्रतिपदेपासून हिंदू नववर्षाची सुरुवात होते. तिसर्‍या चैत्र नवरात्रीत प्रभू विष्णूंनी मत्स्य रूपात पृथ्वीची स्थापना केली होती. नंतर प्रभू विष्णू प्रभू राम या रूपात देखील चैत्र नवरात्रीत प्रकट झाले होते. म्हणून या दिवसांचे खूप महत्त्व आहे. 

चैत्र नवरात्रीत हवन पूजन आणि आरोग्याचे खूप फायदे आहेत. यामुळे आरोग्य सुदृढ ठोवण्यात मदत मिळते. पहिल्या दिवशी दैवी शैलपुत्री, दुसऱ्या दिवशी देवी ब्रह्मचारिणी, तिसऱ्या दिवशी चंद्रघंटा, चौथ्या दिवशी कुष्मांडा, पाचव्या दिवशी स्कंध माता, सहाव्या दिवशी कात्यायणी, सातव्या दिवशी कालरात्री, आठव्या दिवशी महागौरी तर नवव्या दिवशी सिद्धिदात्री अशा देवींच्या नऊ स्वरुपाचे पूजन केले जाते. यामुळे घरात सुख समृद्धी नांदते. सकारात्मक ऊर्जा घरात प्रवेशते ज्यामुळे घरातील वाद, भांडणाचा नायनाट होतो. म्हणून या प्रत्येक दिवसाचे विशेष महत्व आहे.